• ગુલઝાર ભાગ - ૧

૧: ૬૫ - સુવિચાર

• કર્મ ત્રણ જાતના હોય છે – “એક કર્મ એવું કે પેપર ઉપર ધૂળ લાગેલ હોય તેવું.” જે પેપર ઉપાડતાં જ ખરી પડે.
       “બીજું કર્મ એવું કે કપડાં ઉપર લાગેલ ધૂળ જેવું” જે કપડાંને ઝાટકવાથી દૂર થાય.
         “ત્રીજા કર્મ એવા જે તાજા કલર કરેલ દીવાલ ઉપર ચીટકેલ ધૂળ જેવા” જે નીકળે જ નહીં. આને ચીકણા કર્મ કહે છે.

• ક્રોધની બાધા લેવાથી ક્રોધ જીતાઈ જાય
  લોભની બાધા લેવાથી લોભ જીતાઈ જાય
  માયાની બાધા લેવાથી માયા જીતાઈ જાય
  અહંકારની (માનની) બાધા લેવાથી લાગે કે અહંકાર જીતાઈ ગયો પણ એ જીતાય નહીં, કારણ કે તુરત તમે કહેશો કે મેં અહંકારની બાધા લીધી. બસ અહંકારની બાધા લીધી, કીધું કે, અહંકાર આવી ગયો.

• શરીરનો વિશ્રામ એટલે ઊંઘ,
  મનનો વિશ્રામ એટલે ધ્યાન.